نظام كاشير ومخزون للصيدليات بالعراق
صيدليتك كلها، ببرنامج واحد.
اعرف شنو صار بصيدليتك بدون ما تتصل بأحد: البيع والمخزون والقاصة على كل حاسبات الصيدلية، وملخّص اليوم يوصل موبايلك.
- 14 يوم يبيع بدون إنترنت، والبيع نفسه ما ينقطع حتى بعدها.
- 58 و80 ملم وصل عربي واضح على الطابعات الحرارية، USB أو شبكة.
- باكيت · شريط · حباية بيع بأي تفصيل، ولكل وحدة سعرها.
- 6 قوائم تفتحها بنفس الوقت. الزبون اللي تذكّر شغلة بنص الحساب ما يعطّل الباقين.
بدون إنترنت
شغل صيدليتك محفوظ بحاسبتك، وما متعلّق بالإنترنت.
كل حاسبة بالصيدلية بيها نسخة كاملة من البيانات. البيع والشراء والجرد ينحفظ على الحاسبة مباشرة، ويرتفع للسحابة أول ما يرجع النت. ماكو تعليق ولا «جاري التحميل» إذا ضعف الإنترنت.
أكثر من حاسبة، ومخزون واحد
كل الكاشيرات وموبايلك يقرون نفس الرصيد بعد المزامنة. وإذا حاسبتين باعوا نفس الدواء بنفس اللحظة، الحساب ما يتلخبط.
بياناتك بأمان حتى لو عطلت الحاسبة
قاعدة البيانات مشفّرة داخل حاسبتك، وإلها نسخة احتياطية بالسحابة.
يتحدّث وحده، بدون ما يجيك أحد
من ينزل تحديث جديد، البرنامج ينبّهك أول ما تشغّله وينصّبه وحده، بدون ما يمس بياناتك.
البيع
واجهة بيع سريعة، مصممة لوقت اللود.
- بالباركود أو بالاسم. ابحث بالاسم التجاري أو العلمي، أو امسح الباركود وينزل الباكيت بالقائمة مباشرة.
- الرصيد والكلفة والديون. إذا الكاشير راد يبيع كمية أكثر من المسجّلة بالرف، أو بسعر أقل من الكلفة، أو لزبون عابر سقف دينه، البرنامج يوقف العملية ويطلب موافقة المدير، ويسجّل منو وافق.
- أدوية الوصفات. الدواء اللي ما ينصرف إلا بوصفة يطلّع تنبيه للكاشير أول ما يضيفه، والقرار يبقى للصيدلاني.
- نقد أو بالدين. الدين ينسجّل بحساب الزبون مباشرة، والمبلغ النقدي يتقرّب لأقرب فئة تحددها أنت، مثلاً 250 دينار.
- كل موظف وصلاحياته. الكاشير يبيع، والمدير يسوي خصم أو إرجاع، وأنت تشوف كل حركة باسم صاحبها.
الإكسباير
اعرف شنو قرّب إكسبايره، قبل لا يصير خسارة.
كل وجبة (Batch) تدخل المخزن تنسجّل بتاريخ إكسبايرها. Panacea يرتّبلك الوجبات حسب الأيام الباقية، ويحسبلك قيمتها بالدينار، ويحضّر إرجاعها للمذخر بضغطة.
- الأقدم وصولاً ينباع أول، ورقم الوجبة ينطبع على الوصل.
- نواقص الصيدلية تتجمّع بقائمة جاهزة تدزها للمذاخر.
التقارير
ربحك الحقيقي، من كلفة كل باكيت.
الربح ينحسب من كلفة الوجبة اللي انباعت فعلاً. وكل تقرير تگدر تطلّعه ملف PDF أو إكسل.
- المبيعات والأرباح يومي أو أسبوعي، ويا المقارنة بالفترة اللي قبلها.
- الأكثر مبيعاً، وأوقات الذروة، حتى تعرف شنو تطلب ومتى تحتاج موظف زيادة.
- قيمة المخزون والجرد والتالف، وكل حركة بسببها وباسم منو سوّاها.
الطباعة
وصل بالعربي، واضح على أي طابعة حرارية.
أغلب الطابعات الحرارية بالسوق ما تدعم العربي زين، فتطلع الحروف مقطّعة أو مقلوبة. Panacea يطبع الوصل كصورة، فتطلع الكتابة العربية مضبوطة والأرقام بمكانها.
- ورق 58 أو 80 ملم، على طابعة USB أو طابعة شبكة يطبعون عليها كل الكاشيرات.
- رقم القائمة باركود، فالإرجاع يبدي بمسح الوصل.
تنبيهات ذكية
ينبّهك بكل صغيرة وكبيرة بالصيدلية.
Panacea عينه على الرفوف والقاصة والمذاخر بمكانك. دواء خلص، وجبة قرب إكسبايرها، مندوب تأخر بتسليم البونص، أو فرق بحساب القاصة آخر اليوم: كلها توصلك تنبيهات مرتّبة حسب الأهمية، على الحاسبة وعلى موبايلك.
- الرف. مادة خلصت، أو نزلت تحت الحد اللي تحدده إلها.
- الإكسباير. وجبة انتهت، أو قرّب إكسبايرها حسب المدة اللي تختارها لكل مادة.
- القاصة. ملخّص كل يوم ينغلق، وأي عجز أو زيادة بالدينار.
- المذاخر. بونص وعد بيه المندوب وما وصل.
تطبيق أندرويد قريباً على Google Play
كل اللي بالاشتراك
من أول باكيت يدخل، لآخر دينار بالقاصة.
- المشترياتقوائم المذاخر برقم الوجبة والإكسباير والكلفة والبونص.
- المرتجعاتإرجاع من الزبون، وإرجاع للمذخر.
- الديونحساب لكل زبون ولكل مذخر، بالدفعات والرصيد.
- الجردبالباركود، والفرق ينسجّل كحركة حتى يبقى أثره.
- التالف والمصاريفكل شي يطلع من الرف أو القاصة، ينسجّل بسببه.
- شفتات الكاشيراستلام وتسليم القاصة بين الموظفين بوضوح.
- إغلاق اليومتقرير نهاية اليوم، ونسخة منه على موبايلك.
- التنبيهاتنواقص وإكسباير وقاصة وبونص، حسب الأهمية.
- المخازنأكثر من مخزن، والتحويل بينها.
- المجموعاتأدوية تنباع سوا، تنضاف للقائمة بضغطة.
- صلاحيات الموظفينلكل موظف اللي يحتاجه، وكل عملية باسم منو سوّاها.
- النسخ الاحتياطي والتحديثاتتلقائية، ما تحتاج تفكر بيها.
- الدعم الفنيبالعربي، على واتساب.
أسئلة
أكثر شي يسألون عنه الصيادلة.
إذا انقطع الإنترنت أيام، شنو يصير؟
تبقى تبيع وتشتري وتطبع عادي. إذا مرّ 14 يوم بدون أي اتصال، البرنامج يطلب اتصال قبل ما تفتح شفت جديد، حتى حسابات الحاسبات ما تبعد عن بعض. البيع اللي بيدك ما يوقف.
شنو أحتاج من أجهزة؟
حاسبة بويندوز 10 أو أحدث. الطابعة الحرارية (58 أو 80 ملم) وقارئ الباركود اختياريين، والأنواع المنتشرة بالسوق تشتغل وياه. وإذا عندك أكثر من كاشير، طابعة شبكة وحدة تكفي الكل.
وين تنحفظ بياناتي؟
على حاسبتك، بقاعدة بيانات مشفّرة، ونسخة على سيرفرات سحابية محمية ما يشوفها غير حسابات صيدليتك. التفاصيل بـ سياسة الخصوصية.
ليش الاشتراك سنوي؟ برنامجي القديم دفعته مرة وحدة.
الاشتراك يغطي النسخ الاحتياطي والمزامنة والتحديثات والدعم، وهاي كلها إلها كلفة كل شهر. والبرنامج اللي ينباع مرة وحدة، عادةً يوقف تطويره بعدها.
أگدر أشغّله على أكثر من حاسبة؟
إي. كل الكاشيرات بنفس الصيدلية وموبايلك على نفس البيانات. كل حاسبة تشتغل لوحدها إذا انقطع النت، وتتزامن ويا الباقي أول ما يرجع.
شكد سعر الاشتراك؟
اشتراك سنوي يشمل كل اللي فوق. راسلنا على واتساب وندزلك التفاصيل الكاملة، ونرتب وقت نشوفك بيه البرنامج.
خلّينا نشوفك Panacea شلون يشتغل بصيدليتك.
عرض قصير، على حاسبتك أو بالصيدلية. وإذا ما عجبك، ما خسرت شي.
أو على البريد: support@panaceapos.com